Tien Goeie Redes om God te Gehoorsaam

Daar is ontelbaar baie redes om God te gehoorsaam, maar daar is een hoofrede: Hy het gesê ons moet. As daar geen ander redes was nie, sou hierdie een rede beslis genoeg gewees het. Daar is egter baie belangrike voordele aan gehoorsaamheid waaraan ek en jy gereeld herinner moet word. Hier onder het ek 'n lys gemaak van tien goeie voordele:

 

 

1.  Ons gebede word verhoor. As daar sonde in my hart was, sou die Here nie geluister het nie. Maar God hét geluister, Hy hét my gebed verhoor! (Ps. 66:18-19)

2.  Ons het 'n dieper ervaring van die Here se teenwoordigheid by ons.... "As iemand My liefhet, sal hy my woorde ter harte neem; en my Vader sal hom liefhê, en Ons sal na hom toe kom en by hom woon" (Joh. 14:23)

3.  Ons verkry wysheid. Hy laat eerlike mense sukses behaal en Hy beskerm dié wat onberisperlik lewe (Spr. 2:7)

4.  Ons is God se vriende. "Julle is my vriende as julle doen wat Ek julle beveel" (Joh. 15:14)

5.  Ons kan veilig leef. "Julle moet my voorskrifte nakom en my bepalings gehoorsaam. As julle dit doen, sal julle sonder sorge in die land kan woon" (Lev. 25:18)

6.  Ons word volkome gemaak. Wie sy woord egter gehoorsaam - in hom het die liefde van God werklik sy doel volkome bereik. Hieraan weet ons dat ons in Hom is (1 Joh. 2:5)

7.   Ons word geseën. "Let op, ek hou julle vandag die seën en die straf voor: die seën sa lkom as julle die gebooie van die Here julle God gehoorsaam, wat ek julle vandag gee..." (Deut. 11:26-27)

8.  Ons vind geluk... Dit gaan goed met elkeen wat die wet van die Here onderhou (Spr. 29:18)

9.   Ons het vrede. Maar let nou op die eerbare mens, kyk na die opregte: die regskape man, vir hom is daar 'n toekoms (Ps. 37:37).

10.     Ons het 'n lang lewe. My seun, wat ek jou leer, moet jy nie vergeet nie, hou vas aan wat ek jou voorskryf, want dit sal vir jou 'n lang lewe verseker, dit sal maak dat jy 'n vol lewe het(Spr. 3:1-2).

~~ Uittreksel uit: Die krag van 'n vrou wat bid. Deur Stormie Omartian ~~

Die Mens het Liefde nodig

"Soos 'n blom die son nodig het om waarlik blom te word, 

so het 'n mens die liefde nodig om waarlik mens te word."

~~ Phil Bosmans ~~